Wiwitan Mun Rek Neangan Pangeran

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
إِنَّ الْحَمْدَ لِلَّهِ نَحْمَدُهُ وَنَسْتَعِيْنُهُ وَنَسْتَغْفِرُهُ، وَنَعُوذُ بِاللهِ مِنْ شُرُوْرِ أَنْفُسِنَا وَمِنْ سَيِّئَاتِ أَعْمَالِنَا، مَنْ يَهْدِهِ اللهُ فَلاَ مُضِلَّ لَهُ وَمَنْ يُضْلِلْ فَلاَ هَادِيَ لَهُ ،َأَشْهَدُ أَنْ لاَ إِلَهَ إِلاَّ اللهُ وَحْدَهُ لاَشَرِيْكَ لَهُ، وَأَشْهَدُ أَنَّ مُحَمَّدًا عَبْدُهُ وَرَسُوْلُهُ.، أَمَّا بَعْدُ؛

Taimiti jisim kuring ngawitan nulis Ieu kitab, ngalap berkah ti jenengan Allah Ta’ala, nu maha murah di dunya kasakabeh mahlukna jeung nu maha asih di akherat kasakabeh umat-umatna anu mu’min, ari rohmatna Allah, kasalametana lungsurna nyaeta ka panutan urang sadayana, Kanjeng Nabi Muhammad shalallohu alaihi Wassalam, tur kapara sohabatna tawuh kulawargana sakabeh.

 
  Wiwitan Mun Rek Neangan Pangeran

Aya dawuhan kanjeung Nabi Muhammad rosululloh Solullohu Alaihi Wassalam anu kieu unggelna “ Man Tholaba Maulana Biqhoiri Napsihi Faqod Dolla Dolala Baida” pibasa sundaeunana sing saha-saha jalma anu neangan pangerana kaluar tina dirina sorangan mangka batur-batur eta si jalma kasasar. Kusabab dina dirina ngancik rasa jauhna jeung Allah ta’ala, padahal aya dalilna (katerangan) “ Wanahnu Aqrobbu Ilahi Min Hablil Warid”anu hartosna kami geus teu aya antarana deui jeung aranjeun sakabeh.Sanajan lamun di ibaratkeun urang beheung jeung beuheungna anjeun sorangan oge, masih deuket keneh anjeun jeung Kami (Allah), anu matak manusa mah makhluk nu leuwih dimulyakeun ku Allah ta’ala tibatan makhluk sejena, kapan ceuk katerangan dina hadistna oge kie “ Wa Laqod Karomma Bani adam” anu hartosna Kami (allah) geus ngamulyakeun pisan ka anak putuna adam. Dina katerangan sejena oge allah ngadawuh dina surat At-tiin ayat opat nu kie unggelna  “Laqod Kholaqnal insana fii ahsani taqwiim” anu hartosna manusa the pang alus-alusna jeung pang aheng-ahengna kajadian ti sasama makhluk Allah ta’ala (QS.At-Tiin:4).

Geura lamun seug anjeun geus nyaho kana diri anjeun sajeroning raga anjeun sorangan, tangtu bakal karasa ka ahenganana anu aya dina waruga sorangan, kakara lamun diri anjeun geus apal ka rasa ayana rumasa kana maha kawasa maha-Na.Aya deui dawuhanana kanjeung nabi Muhammad Saw. Anu kie unggelna “Man ‘arofa nafsahu faqod ‘arofa rabbahu” anu hartosna sing saha-saha jalma anu geus apal kana dirina sorangan, mangka geus tangtu apal ka Gustina (Al-hadist). Dina dawuhan anu sejena “ Wa Man ‘arofa Robbahu faqod jahillan nafsahu” anu kie hartosna sing saha-saha jalma anu geus apal ka Pangerana, tangtu bakal ngarasa bodo dirina (Al-hadist).

Kusabab tangtu kaharti geuning  si jasad the moal bisa usik moal bisa malik lamun teu di dayaken sareng teu di upayakeun ku Pangerana. Sidik geuning ieu si jasad teh lir ibarat rokrakna bae, nu matak urang kudu ngaji, lain ngan saukur ngaji kitab anu keuna kuruksak, tapi kudu dibarengan ku ngaji kitab anu langgeung, kapan geuning ceuk katerangan hadist ge kie “ Iqro kitabakakafa binafsika alyauma ‘alaika hasiba” anu hartosna aranjeun kudu ngaji kana kitab anu langgeng, anu aya dina diri aranjeun sorangan ( Al-hadist). Geura prak teangan Qudrot-Irodatna  pangeran dina diri sorangan kusabab leuwih nyata, kumaha kawasana pangeran the dina diri soranagan leuwih nyata hirupna pangeran the dina diri sorangan, leuwih nyata tinggalina pangeran the dina diri sorangan, leuwih nyata danguna pangeran the dina diri sorangan, tur leuwih nyata pangandikana pangeran dina diri sorangan, kusabab ceuk katerangan oge anu kie unggelna “ Wahua ma’akum ainama kantum” anu hartosna Allah ta’ala the ngabarengan bae ka umat-umatna sakabeh. Dimana wae anjeun aya, di dinya aya Allah ta’ala, tapi sategeusna ngaran dibarengan ku Allah ta’ala teh nyaeta ku Qudrot tur irodat-Na, kapan ceuk kapan jelas geuning aya dina sifat waji Allah anu 20 oge geus diterangkeun ngarangkep-rangkep saperti :

1.             Hayat jeung Hayan > Hirup jeung nu Hirup.

2.             Sama jeung Sami’an > Dangu jeung nu Ngadangu.

3.             Bashor jeung Bashiron > Ninggali jeung nu Ninggali.

4.             Kalaam jeung Mutakalliman > Ngucap jeung nu Ngucap.

5.             Qudrot jeung Irodat > Kawasa jeung nu Kersa.

Naon Qudrot (Nu kawasa)  dina diri urang the..? Teu aya deui lintang ti hirup, buktina urang bisa usik.Terus naon ari Irodat (Kersa)? Aya buktina nyaeta:

1.             Panon bisa ninggali.

2.             Ceupil bisa ngadangu.

3.             Baham bisa nyarita.

4.             Pangambung bisa nganse.

Tah geuning bukti, jelas teu pisahna teh, ayeuna mah atuh ngan karineangan bae barangna. Siga naon sifatna Qudrot atawa sifat hirup the? Wajib pisan kapanggihna teh supaya bisa kaharti jeung karasa, ulah deuk percaya kana ceunah jeung beja hungkul, tapi kudu nyaho ceuk sorangan.